खेल बर्गिकरण हुन्छ – मन्त्री बिश्वकर्मा

युवा तथा खेलकुद मन्त्री जगत वहादुर सुनार (बिश्वकर्मा)ले खेल संघको बर्गिकरण हुने बताउनु भएको छ ।
राष्ट्रिय खेलकुद परिषद् (राखेप)को आयोजनामा राखेपमा दर्ता भएका राष्ट्रिय संघहरुको अन्तर्कि्रया कार्यक्रममा मन्त्री विश्वकर्माले ऐनले खेल बर्गिकरणको ब्यवस्था गरेको भन्दै नेपाली खेलकुदको विकासका लागि श्रोत, साधन र प्रार्थमिकताका आधारमा आवश्यकता अनुसार खेल संघहरु बर्गिकरण गरिने बताउनु भयो ।
राखेपका उपाध्यक्ष शिव कोईरालाले ब्यक्ती एउटा दायित्व धेरै भएको संघमा पाईयो, अब त्यो प्रथाको अन्त्य हुने छ । संघ विबाद सामाधन समितिका संयोजक समेत रहनु भएका उपाध्यक्ष कोईरालाले भन्नु भयो– संघ धेरै भएर राज्यले धान्न नसकेको होईन, कतिपए संघले गर्ने क्रियाकलापबाट खेलकुद बदनाम हुदै आएको छ अब यस्तो परिपाटी चल्दैन ।
राखेपका सदस्य–सचिव रमेशकुमार सिलवालले खेलकुदका गतिबिधि क्रमशः सामान्य अवस्थामा आउदै गरेको बताउदै भन्नु भयो– नेपाल सरकारको स्वास्थ्यको प्रोटोकललाई ध्यानमा राखी परिषद्ले पुष महिना भर खेलकुदले मेची–महाकाली जोड्ने गरि ७ वटै प्रदेशमा २÷२ दिने कार्यक्रमको आयोजना गदैछौ । प्रदेशका खेलकर्मी, खेलाडी, प्रशिक्षकलाई लक्षित कार्यक्रमले एक प्रकारको सन्देश दिनेछ । सदस्य सचिवले संघहरुले प्रतियोगिता गर्नका लागि अनुमति मागि रहेको जानकारी गराउदै भन्नुभयो कोभिडको प्रभाब र असरलाई न्यूनिकरण गदै खेलक्षेत्रको विकास, विस्तार र समृद्धिका लागि प्रतियोगिता पनि क्रमशः आयोजना हुदै जाने छन् ।
कार्यक्रममा युवा तथा खेलकुद मन्त्रालयका सचिव रामप्रसाद थपलियाले नयाँ ऐनका बारेमा जानकारी गराउनु भयो । कार्यक्रममा लगभग ८० संघका प्रतिनिधिको सहभागिता रहेको थिए । धेरै जसो संघहरुले आगामि नवौं राष्ट्रिय खेलकुदमा आफ्नो खेललाई पनि समाबेश गरिनु पर्ने धारणा राखेका थिए । अन्तरक्रिया कार्यक्रममा राखेप सदस्यहरु, बिभागिय प्रमुखहरु, प्रशिक्षक, कर्मचारी लगायतको उपस्थिति रहेको थियो ।


Leave a Reply

Your email address will not be published. Required fields are marked *