प्रेस विज्ञप्ति

पत्रकार मित्रहरु
राष्ट्रिय खेलकुद परिषद्ले २०७७ माघ २० गते “खेलकुदसँग प्रधानमन्त्री” अन्तरक्रिया कार्यक्रमको आयोजना गर्ने भएको छ । राष्ट्रिय खेलकुद परिषद्का संरक्षक सम्माननीय प्रधानमन्त्री केपी शर्मा ओलीज्यू स्वयंम खेलाडी, प्रशिक्षक र खेलकर्मीमाझ उपस्थित भएर खेलकुदका बारेमा जानकारी लिने र निर्देशन दिने कार्यक्रमले हामीलाई थप उत्साहित बनाएको छ । नेपाली खेलकुदको बारेमा नेपाल सरकारले देखाएको चासो र अभिरुची प्रति हामी आभारी छौं । काठमाण्डौंको कमलादीस्थित नेपाल प्रज्ञा प्रतिष्ठानमा अपरान्ह १ बजे हुने कार्यक्रममा नेपाली खेलकुदको विकास–विस्तार र समसमायिक बिषयका बारेमा सम्माननीय प्रधान मन्त्रीज्यूबाट सम्वोधन हुने कार्यक्रम रहेको छ । “खेलकुदसँग प्रधानमन्त्री” कार्यक्रममा ओलम्पियन, राष्ट्रिय तथा अन्तर्राष्ट्रिय पदक बिजेता खेलाडी, प्रशिक्षक, संघ–संस्था, कर्मचारीलगायत खेलकर्मीको उपस्थितिमा युवा तथा खेलकुद मन्त्री माननीय दावा तामाङ र राष्ट्रिय खेलकुद परिषद्का सदस्य–सचिव रमेशकुमार सिलवालले खेलकुदका बारेमा सम्माननीय प्रधानमन्त्रीज्यू समक्ष जानकारी गराउने कार्यक्रम रहेको छ ।
पत्रकार मित्रहरु कोरनाका कारण प्रभावित भएको नेपाली खेलकुदलाई सामान्य अवस्थामा फर्काउन हामीले खेलकुद अभिमुखिकरण अन्तरक्रिया कार्यक्रमद्धारा मेची महाकाली जोड्ने प्रयास गरेका छौं । जसअन्तर्गत सुदूरपश्चिम, कर्णाली र लुम्बिनी प्रदेशमा खेलकुद अभिमूखीकरण कार्यक्रम सम्पन्न भइसकेको छ । ओलम्पियन, अन्तराष्ट्रिय पदक बिजेता खेलाडी, प्रशिक्षक र सम्बन्धित जिल्लाका कार्यालय प्रमुखको सहभागिता रहने गरि तेश्रो चरणको बागमती प्रदेश स्तरिय खेलकुद अभिमुखिकरण अन्तरक्रिया कार्यक्रम माघ २१ र २२ गते भक्तपुरको बोडे स्थित कृषि विकास बैंकको तालिम केन्द्रमा संचालन हुदैछ । अन्तरक्रिया कार्यक्रममा सम्बन्धित बिषयका बिज्ञद्धारा खेल व्यवस्थापन, प्रशासनिक सहजीकरण र संयोजन, तालिम तथा प्रशिक्षण विभाग सहजीकरण र संयोजन, प्रशिक्षक प्रशिक्षण, स्पोर्ट्स मेडिसिन र डोपिङ, मोटिभेसन, खेल समाजशास्त्र तथा लैंगिक हिंसा र खेल मनोविज्ञानलगायत अन्य विषयमा प्रशिक्षण दिईने छ । प्रशिक्षणकै दौरान ओलम्पियन र अन्तर्राष्ट्रिय पदक विजेता खेलाडीसंग अन्तरक्रिया कार्यक्रम पनि हुने छ ।
अन्त्यमा राष्ट्रिय खेलकुद परिषद्ले आयोजना गर्ने दुवै कार्यक्रममा पत्रकार मित्रहरुबाट उपस्थिति जनाइ व्यापक प्रचार प्रसार गरिदिनु हुन हार्दिक निमन्त्रण गर्दछौं । खेलकुदको विकास र विस्तारमा प्रचार प्रसारको माध्यमबाट यहाँहरुले पु¥याउनु भएको सहयोग प्रति हामी सदाझै आभारी रहनेछौं । धन्यवाद ।
राष्ट्रिय खेलकुद परिषद्
त्रिपुरेश्वर, काठमाडौं
२०७७ साल माघ १८ गते ।


Leave a Reply

Your email address will not be published. Required fields are marked *