एकै प्रकृतिका संघलाई एक हुन निर्देशन

काठमाण्डौं,२०७७ मंसिर २६ ।
युवा तथा खेलकुद मन्त्रालयबाट गठित विबाद समस्या समाधान तथा सहजिकरण समितिले एउटै प्रकृतिका संघहरुलाई एउटै संस्था बनाएर खेलकुदको विकासमा भूमिका निर्वाह गर्न निर्देशन गर्ने भएको छ । राष्ट्रिय खेलकुद परिषद् (राखेप)का उपाध्यक्ष शिव कोईराला संयोजक रहेको समितिको मंसिर २५ गते बसेको पहिलो बैठकले उक्त निर्णय गरेको हो । राखेपमा दर्ता भएका कतिपय संघहरु एउटै प्रकृतिका छन् खेलाईने नियम पनि एउटै छ ।
समितिले आन्तरिक विबादमा रहेका संघलाई पनि यथा सिध्र बिवाद सामाधान गरि खेलकुद विकास ऐन २०७७ तथा सम्बन्धीत संघको ऐन अनुसार कार्यान्वयनमा आउन निर्देशन गर्ने भएको हो । संयोजक कोईरालाको अध्यक्षतामा बसेको बैठकले समितिको कार्य संचालन विधि (TOR) तयार गर्ने निर्णय गरेको छ । संघहरुमा बेला बखत देखिने नीतिगत ब्यवस्थापकिय तथा अन्य समस्याहरुलाई दीर्धकालीन रुपमा सामाधान गर्न रणनीति तयार गर्ने निर्णय गरेको छ । युवा तथा खेलकुद मन्त्री स्तरिय निर्णय अनुसार मंसिर २२ गते राष्ट्रिय खेलकुद परिषद्का उपाध्यक्ष शिव कोईरालाको संयोजकत्वमा ७ सदस्य विबाद समस्या समाधान तथा सहजिकरण समिति गठन भएको थियो । समितिको अन्य सदस्यहरुमा युवा तथा खेलकुद मन्त्रालयका खेलकुद महा शाखा प्रमुख, राखेप सदस्यहरु गोबिन्द भट्राई, पुरेन्द्रबिक्रम लाखे, नन्दा बस्याल, राखेप कानुन शाखा प्रमुख नारयणराज अर्याल र सचिवमा राखेप संघसंस्था प्रमुख इन्द्रवहादुर कार्की रहेका छन् ।


Leave a Reply

Your email address will not be published. Required fields are marked *