रौतहटलाई पाखा लगाउंदै एभरेष्ट क्वाटरमा

रौतहट जिल्ला फुृटबल संघलाई टाई ब्रेकरमा ५ – ४ गोल अन्तरले हराउँदै चितवनको एभरेष्ट क्लब चौथो नेपाल कप फुटबलको क्वाटरफाईनलमा प्रवेश गरेको छ ।
चितवनको क्याम्पाचौरमा भएको प्रतियोगिताको निर्धारित ९० मिनटको खेलमा दुवै तर्फबाट कुनै गोल हुन नसके पछि खेलको टुङ्गो टाई ब्रेकरबाट गरिएको थियो । राम्रो खेल प्रदर्शन गरेको रौतहटले निर्धारित समयमा थुप्रै गोलका अवसर प्राप्त गरेता त्यसलाई सदुपयोग गर्न नसके पछि प्रतियोगिताबाट बाहिरिएको छ ।
स्पोर्टस् फर अल क्लबको आयोजनामा भएको प्रतियोगितामा विजयी क्लबका लागि दिपेन्द्र ठकुरी, मनिष आले, दीपक भुजेल, बिदी मगर र देव गुरुङ्गले जाली चुमाएका थिए । रौतहटका लागि राजु गोले, सुन्दर लोपचन, रवी तामाङ र विक्रम घिमिरेले गोल गरे भने कृष्ण लामाको प्रहारलाई एभरेष्टका गोल किपर सरोज तामाङले जाली चुम्नबाट बचाए । सरोज खेलको म्यान अफ द म्याच समेत घोषित भए ।
अव एभरेष्टले क्वाटरफाइनलमा नेपाल प्रहरीको सामना गर्नेछ ।
भोलीको पहिलो खेल ब्वाईज युनियन क्लब र भरतपुर फुटबल क्लब तथा दोश्रो खेल नारायणगढ फुटबल क्लब र एनआरटी क्लबकाविच हुने कार्यक्रम रहेको छ ।

सेयर गर्नुहोस्

फेसबुक प्रतिक्रिया