वशन्त र सोनीलाई ट्रायथलन स्वर्ण

नेपाली सेनाका वशन्त थारु पुरुष तर्फ र एपिएफकी सोनी गुरुङ्गले महिला तर्फ पोखरामा जारी नवौंं राष्ट्रिय खेलकुद अन्तरगतको ट्रायथलन तर्फको स्वर्ण पदक हात पारेका छन् । १३ औं दक्षिण एशियाली खेलकुदका पदकधारी वशन्तले निर्धारित ७५० मिटर पौडी, २० कि.मि. साईक्लिङ्ग र ५ कि.मि. दौड १ घन्टा ९ मिनट ४३ सेकेन्डमा पुरा गर्दै स्वर्ण जितेका हुन् । थारुले स्वर्ण पदकका साथै नगद २५ हजार समेत प्राप्त गरे । दोश्रो स्थानमा सेनाकै दिपेश चौधरी रहे । उनले निर्धारित दुरी १ घन्टा १० मिनट ५ सेकेन्डमा पुरा गरे । उनले रजत पदक प्राप्त गरे । नेपाल पुलिसका मौलिक महर्जनले निर्धारित दुरी १ घन्टा १४ मिनट ५६ सेकेन्डमा पुरा गर्दै कास्य पदक प्राप्त गरे ।
यस्तै १३ औं सागकी स्वर्ण पदकधारी सोनीले निर्धारित दुरी १ घन्टा १६ मिनट २८ सेकेन्डमा पुरा गर्दै स्वर्ण जितिन् । प्रथम पटक राष्ट्रिय प्रतियोगितामा डेब्यु गरेकी पश्रेवी महर्जनले १ घण्टा १९ मिनट १५ सेकेन्ड समयका साथ पुलिसका लागि रजत पदक दिलाईन् । सेनाकी केशरी थापा मगरले निर्धारित दुरी १ घन्टा ३२ मिनट २९ सेकेन्डमा पुरा गर्दै कास्य पदक प्राप्त गरिन् ।
ट्र«ायथलन अन्तरगतको दुवाथलन बिहिबार बिहान ७ बजे हुने नेपाल ट्र«ायथलन संघले जनाएको छ । ट्र«ायथलन प्रतियोगिता अन्तरगत ट्र«ायथलन र दुवाथलनमा महिला र पुरुष गरि कुल ४ स्वर्ण पदकका लागि प्रतिस्पर्धा भएको छ ।

सेयर गर्नुहोस्

फेसबुक प्रतिक्रिया